Velaí vai a pega rabilonga voando. Esta non é unha especie en extinción, hainas a centos e saen por todas partes. Unha cousa que resulta simpática é o xeito que ten de moverse cando está parada, oscilando de diante para a atrás. E aínda que parece negra e branca, a verdade é que a cor negra vista de preto e con sol vese máis ben azulada ou mesmo verdosa, se un se fixa ben na imaxe inferior pódese ver ese ton azulado. O seu nome científico é Pica pica.
No libro Anacos da
nosa cultura, do Equipo de Normalización Lingüística do C P Veleiro do
Campo, que xa mencionei noutra ocasión, rexistran un xogo popular no que gaña quen chegue a contar máis
adiante sen coller folgos:
A pega rebordá
puxo un ovo e rebordou
puxo dous e rebordou
puxo tres e rebordou
puxo catro e rebordou
puxo cinco e rebordou
puxo seis e rebordou…
Ningún comentario:
Publicar un comentario