29 de xuño

Paseo polo Courel. Oímos moitísmos paxaros pero velos era complicado. Demasiadas follas nas árbores. E os que logramos ver xa os vimos anteriormente: ferreiros comúns, pegas marzas, xiríns, andoriñas comúns e dos penedos,... a única novidade foi a perdiz rubia que nos saiu ao medio da estrada dándonos a benvida ao Courel.

68. Perdiz rubia (Alectoris rufa). Un pouco antes de chegar a Folgoso do Courel desde Quiroga, ás 11'05, avistamos, paseando pola estrada, unha perdiz rubia. Estaba soa, parada ata que oiu o coche e deu uns paseos curtos. Sacamos fotos en marcha (non había onde aparcar). Distínguese bastante ben aínda que a calidade non é moi boa.