En Catoira hai unha lagoa chamada Pedras Miúdas, froito dunha antiga canteira, e alá fomos na procura de fauna; pero a cousa non resultou moi proveitosa: non hai alí ningún pato, gaivota (estas sobrevoaron a lagoa pero ningunha apousou), galiñola,... só puidemos ver un falcón peregrino (Falco pergrinus), o cal non é pouco. Aínda que na foto non se percibe ben, nós vimos a súa cor gris escura no lombo e as pencas escuras no peito e a cola raiada. Deu unhas cantas pasadas por riba de nós, mesmo volveu de novo a sobrevoarnos de xeito rápido. Eran sobre as 3'30 da tarde dun día primaveral caloroso.
Por certo tamén vimos pasar o tren pola nova vía do AVE,... pero non para en Catoira!!!!!!
Ningún comentario:
Publicar un comentario