Ser feliz é o meu propósito para este ano que comeza; xa sei que non é doado porque tras esa palabra está todo: saúde, amor, traballo, descanso... Pero non pido o cen por cen de todo, senón migallas, as xustas, para que a roda siga cun sorriso nos beizos.
Vexamos, o amor xa o teño, daquela só hai que conservalo con mimo; traballo, tamén, simplemente cómpre gozar un pouco del, asumilo como a posibilidade de influír e mellorar a vida de quen de min depende. A saúde parece que vai ben (crucemos os dedos), quizais haxa que esperar a que a ansiedade siga diminuíndo. Descanso tamén teño, ás veces ata aburrirme. Polo tanto a felicidade para min será seguir como estou, aplicando algunha mellora, como se dunha casa se tratase.
Manterei os cimentos en rocha sólida e revisarei o estado do tellado e das paredes.
Alimentarei a amizade e a familia.
Farei deporte.
Culturizareime - lectura, escritura, pintura-.
Non pido máis.
Ningún comentario:
Publicar un comentario